الجزء الاول من جهاز العروسه

بحاول اجمل لكم من خبراتي بالتجهيز عن اهم الامور اللي تحتاجها العروس
وان شاءالله مانسى شي..وان نسيت سامحوني واضيفوا علي:afe0891f47:

اولا: فساتين السهره وفستان الزفاف((لانها اغلى شي عشان تعرفين قيمتها))

فستان الزواج اهم شي يكون عالموضه ومايهم قيمته طالما اخترتيه بذوووق
راح تبهرين الكل سواء كان ب500 ريال ولا ب50 الف ريال:)
والحين كثر التاجير بالمشاغل والاسواق
زي مثلا:اسواق مكه والمتنبي((الرياض))..بصراحه فساتينهم روعه وتقليد تصاميم واسعارهم معقوله من500 الى 3 الاف وفيه اكثر بس اقصد انها حلوة فعلا..:782:
فساتين السهره:
قدامك خيارين اما الجاهز او التفصيل المصمم..
حلاة الخياط او التفصيل ماتروح موضته ولا تنقص قيمته يعني يظل سبيشل ومميز ولا تلقين وحده لابسه مثلك بحفله وانتي عروس لسه..
اما الجاهز قدامك الاسواق مليانه واحرصي عاللف زين مازين عشان تتاكدين انك ماتلقين فستانك بمكان ثاني بسعر ارخص
((ألموسى_الاندلس))اسعارهم حلوة ارخص شي
((ألعليا مول_حياة مول))عندهم اشياء تجنن بس موب رخيصه ابداااااااا..
----------------------------------------------------
الخطوة الثانيه:
الساعه والمجوهرات..
لازم يكون عندك ساعه كشخه من ماركة مميزة على ذوقك
وغالبا تكون فضيه وفيها الماس..عشان تلبسينها بالسهرات والمناسبات والاجتماعات

[color=00CCFF]المجوهرات طقم الماس ناعم يناسب ليله الزواج سواء احتفاليه او عائليه وتلبسينه بالمناسبات الضخمه والزواجات..[/color]

اما بالنسبه لبقيه المجوهرات اجلي هالخطوه حتى تشوفي الهدايا اللي توصلك من ساعات او اطقم او تعليقات ذهبيه او فضيه..عشان ماتكررين تشترين ويجيك نفس الهدايا
يعني لو وصلك هدايا من اهلك واقاربك واهل زوجك وقرايبه اتوقع كفايه وحرام تشترين
ولو جتك هديه مو على ذوقك وهي ذهب بيعيها واشتري لك واحد لعى ذوقك
مو شرط تخلينها وانتي مو حابتها:970:
-----------------------------------------------------------------------

الخطوة الثالثه:
الازياء..
الجزء الاول:
اطقم المناسبات الفخمه
:
[COLOR="DarkRed"]
تايور فخم او فستان ناعم مرره مرره من استرتش او حرير او شيفون[/COLOR]
بحيث يلبس لاهل الزوج اول مره تروحين لهم او لو بيتطلعين معاهم لشاليه او استراحه وانتي لسه عروس مايصير تلبسين تنورة جينز وتي شيرت طبعا:956:


تايورات اعتياديه واطقم بدلات..يعني التايورات اللي تجي مركبه قطعتين او 3 قطع بمحلات الملابس
زي برمود وزارا ومانجو وفيرا مودا وايتام وغيرهم..ألخ
هذي تلبسينها بكل وقت عادي..


تايورات كاجوال:
للعمل او الصديقات او الجامعه
تنانير جينز وتي شيرتات ناعمه او بلايز نعومه مررره..يعني ماتوحي بالفخامه او عشان بعد تكونين مرتاحه في زياره لاهلك(( بيت اهلك))



-----------------------------------------------------------------------
لمن نخلص هالخطوة الثلاثيه:فستان الزواج والسهره والتايورات كلها..
الخطوة التاليه:
الشنط والاحذيه والاكسسوارات

الشنط والاحذيه للسهرات وفستان الزفاف:

اولا لفستان الزفاف
اما صندل او جزمة حسب لون الفستان ابيض او اوف وايت او سكري
طبعا لازم مريح بالنسبه لك يعني وحسب طولك كمان وحسب المناسبه هل بتسوين زواج احتفال؟ولا عائلي..

اما لفساتين السهرات:
خوذي معك الشال او البودي لو مافيه شال..او قطعه من البطانه الداخليه عشان لايخرب الفستان من الدوران بالاسواق..
ولازم يوم كامل مخصص للشوز لاتشتتين نفسك ركزي على الاطقم


تلاقين الرفوف مرصوصه بالالوان والموديلات وانواع الكعب
احرصي على لبس كل صندل او جزمة تاخذينها بالمحل وامشي فيها شوي
لاتقولين مافيه وقت؟؟عشان بعدين ماترمينها بالدولاب ولاتستخدمينها لانها تعور اصبعك الكبير او تضغط عالكعب وتضايقك..


الاكسسوارات:
بدايه:
اكسسوارت الشعر:
حسب طول ونوع شعرك..
اشتري عالموضه: توك او بنس ملونه_ربطات شعر_شباصات او مساكات شعر_اطواق اعتياديه وفخمه واللي يكون فيها اكسسوارات